სტრიმინგ პლატფორმა Tubi მწერალ რ. ლ. სტაინის წიგნების სერიის, „The Babysitter“-ის სრულმეტრაჟიან მხატვრულ ეკრანიზაციას შექმნის, რომელიც ეკრანებზე 2027 წელს გამოვა. ამის შესახებ The Hollywood Reporter-ი და Deadline-ი წერენ. სიახლე პლატფორმის შინაარსის მთავარმა ხელმძღვანელმა, ადამ ლევინსონმა ნიუ-იორკის Comic-Con-ზე გამართულ პანელზე ოფიციალურად გამოაცხადა.
მომავალი მხატვრული ფილმის რეჟისორი ტრევორ კალვერლი იქნება. პროექტის სცენარზე ჯემ გარარდი მუშაობს, რომელიც ამავდროულად აღმასრულებელი პროდიუსერიცაა. წიგნის ახალ კინოადაპტაციას კომპანია Blue Ice აწარმოებს. ადამ ლევინსონმა აღნიშნა:
The Babysitter“-ით, რომელიც რ. ლ. სტაინის ერთ-ერთი ყველაზე გამორჩეული რომანია, ერთგულ თაყვანისმცემლებსა და ახალ თაობას სახალისო და დაძაბულ თავგადასავალს შევთავაზებთ.
სერიის პირველი წიგნი, „The Babysitter“, თავდაპირველად 1989 წელს გამოიცა, რასაც 1991–1995 წლებში კიდევ სამი გაგრძელება მოჰყვა. დაგეგმილი მხატვრული ფილმი Tubi-სა და რ. ლ. სტაინის შემოქმედებითი პარტნიორობის რიგით მეოთხე ნამუშევარი იქნება. ამასთანავე, სტრიმინგ პლატფორმამ 2027 წლისთვის მწერლის მოთხრობის, „Afraid of Clowns“-ის ადაპტაციაც გამოაცხადა, რომლის რეჟისორი და სცენარისტი ასევე ჯემ გარარდი იქნება.
