1. ზოგადი დებულებები
booktok.ge-ის (შემდგომ – „ვებგვერდი“) ოპერატორია შპს „კიბერდროება“ (საიდენტიფიკაციო კოდი: 429656295; შემდგომ – „კომპანია“ ან „ჩვენ“), რომელიც საქმიანობს ბრენდით „BookTok საქართველო“. კომპანია პატივს სცემს ინტელექტუალურ საკუთრებას და მოქმედებს „საავტორო და მომიჯნავე უფლებების შესახებ“ საქართველოს კანონისა (შემდგომ – „კანონი“) და საქართველოსთვის სავალდებულო საერთაშორისო ნორმების შესაბამისად.
ეს პოლიტიკა განსაზღვრავს:
- როგორ არის დაცული ვებგვერდის ორიგინალური მასალა;
- რა საფუძვლით ვიყენებთ მესამე მხარის მასალას;
- როგორ მოგვმართოთ, თუ მიგაჩნიათ, რომ თქვენი უფლება დაირღვა, და როგორ ვრეაგირებთ მიმართვაზე.
2. ჩვენი მასალა
ვებგვერდზე განთავსებული ორიგინალური მასალა – ტექსტები, ანალიტიკური სტატიები, მიმოხილვები, ლოგო და ბრენდის სხვა ელემენტები, კომპანიის მიერ შექმნილი გრაფიკული და ვიზუალური მასალა – კომპანიის ინტელექტუალური საკუთრებაა.
კომპანიის წინასწარი წერილობითი თანხმობის გარეშე დაუშვებელია ამ მასალის კოპირება, რეპროდუცირება, გავრცელება, შეცვლა, თარგმნა ან საჯაროდ ჩვენება – როგორც კომერციული, ისე არაკომერციული მიზნით, გარდა კანონით დაშვებული შემთხვევებისა.
ციტირება. ჩვენი სტატიების ციტირება დასაშვებია კანონის 23-ე მუხლით დადგენილ ფარგლებში – იმ მოცულობით, რასაც ციტირების მიზანი ამართლებს, წყაროსა (booktok.ge) და ავტორის (თუ ის მითითებულია) აუცილებელი მითითებით. გთხოვთ, ციტატას დაურთოთ ორიგინალი სტატიის აქტიური ბმული.
სტატიებში გამოყენებული მესამე მხარის მასალა (მაგალითად, ფოტო) მის მფლობელს ეკუთვნის – მის გამოყენებაზე ნებართვას კომპანია ვერ გასცემს.
3. მესამე მხარის მასალა
მესამე მხარის მასალას (ფოტოს, ვიდეოს, ციტატას, მონაცემებს) ვიყენებთ მხოლოდ:
- ლიცენზიით, მათ შორის უფლების მფლობელის პრესმასალის პირობებითა და თავისუფალი ლიცენზიებით (მაგალითად, Creative Commons);
- უფლების მფლობელის ნებართვით;
- როცა მასალა საჯარო დომენშია;
- კანონით დაშვებული თავისუფალი გამოყენების (მაგალითად, ციტირების) ფარგლებში.
ავტორი და წყარო მითითებულია უშუალოდ მასალასთან, საავტორო უფლება კი მის მფლობელს რჩება. თითოეული ფოტოს წარმომავლობას – წყაროს, აღების თარიღს, კრედიტსა და ლიცენზიას – ვინახავთ, რომ საჭიროებისას სწრაფად გადავამოწმოთ.
4. თუ მიგაჩნიათ, რომ თქვენი უფლება დაირღვა
მოგვწერეთ: [email protected]. განვიხილავთ ყველა მიმართვას, მოკლესაც. განხილვას დააჩქარებს, თუ წერილში მიუთითებთ (შდრ. კანონის 59-ე მუხლის მე-10 პუნქტი):
- ა) ნაწარმოებს, რომლის უფლებაც, თქვენი აზრით, დაირღვა, და გარემოებას, რომელიც ამას ადასტურებს (მაგალითად, სად და როდის გამოქვეყნდა ნაწარმოები პირველად, რის საფუძველზე ხართ მისი ავტორი ან უფლების მფლობელი);
- ბ) სადავო მასალის ზუსტ მისამართს – სტატიის ან პოსტის ბმულს;
- გ) თქვენს სახელს (დასახელებას), საიდენტიფიკაციო ან პირად ნომერს, მისამართს, ტელეფონის ნომერსა და ელფოსტის მისამართს;
- დ) თუ სხვის სახელით მოქმედებთ – უფლებამოსილების დამადასტურებელ დოკუმენტს.
თუ რომელიმე მონაცემი აკლია, მიმართვას მაინც განვიხილავთ, დამატებით ინფორმაციას კი პარალელურად გთხოვთ.
5. რას ვაკეთებთ მიმართვის მიღების შემდეგ
- 24 საათის განმავლობაში გიპასუხებთ და განხილვის დროს სადავო მასალას დროებით ჩავანაცვლებთ ან შევზღუდავთ მის ხელმისაწვდომობას – როგორც ვებგვერდზე, ისე ჩვენს სოციალურ ქსელებში.
- 5 სამუშაო დღის განმავლობაში წერილობით გაცნობებთ გადაწყვეტილებას. თუ მასალის გამოყენების საფუძველი გვაქვს (ლიცენზია, ნებართვა), გამოგიგზავნით მის დამადასტურებელ ინფორმაციას; თუ ასეთი საფუძველი არ გვაქვს, მასალას სამუდამოდ ვშლით.
- ავტორის ან წყაროს არასწორ მითითებას 24 საათის განმავლობაში ვასწორებთ.
6. მომხმარებლების კომენტარები
თუ სადავო მასალა მომხმარებლის კომენტარშია, მიმართვას განვიხილავთ კანონის 60¹ მუხლით დადგენილი წესით: შეტყობინების მიღებიდან 24 საათის განმავლობაში წავშლით მასალას ან შევზღუდავთ მის ხელმისაწვდომობას, ამის შესახებ ვაცნობებთ კომენტარის ავტორს, განხორციელებული ღონისძიებისა და მიღებული გადაწყვეტილების შესახებ კი – უფლების მფლობელს. კომენტარის ავტორს უფლება აქვს, კანონით დადგენილი წესით მოითხოვოს მასალის ხელმისაწვდომობის აღდგენა.
7. პერსონალური მონაცემები
მიმართვაში მითითებულ პერსონალურ მონაცემებს ვამუშავებთ „პერსონალურ მონაცემთა დაცვის შესახებ“ საქართველოს კანონის შესაბამისად – მხოლოდ მიმართვის განსახილველად და პასუხის გასაცემად – და ვინახავთ მხოლოდ იმ ვადით, რაც ამისთვის და ჩვენი კანონიერი ინტერესების დასაცავად არის საჭირო (იხ. კონფიდენციალურობის პოლიტიკა).
8. კონტაქტი
- საავტორო უფლებების საკითხები: [email protected]
- ფაქტობრივი შეცდომა სტატიაში: [email protected] (იხ. შესწორებების პოლიტიკა)
- ზოგადი საკითხები: [email protected] (იხ. წესები და პირობები)
ბოლო განახლება: 2026 წლის 16 ოქტომბერი