გრეტა გერვიგის მომავალი ფილმის, „Narnia: The Magician’s Nephew“-ის პირველი თრეილერი გამოქვეყნდა. როგორც Variety-ი და Reactor-ი (SFF) წერენ, Netflix-მა ვიდეორგოლი 13 ოქტომბერს წარადგინა. კ. ს. ლუისის წიგნის ახალი ეკრანიზაცია კინოთეატრებში 2027 წლის 12 თებერვალს გამოვა, სტრიმინგ პლატფორმაზე კი 2027 წლის 2 აპრილიდან გამოჩნდება.
ფილმი ქრონოლოგიურად „ნარნიის ქრონიკების“ (The Chronicles of Narnia) პირველ ამბავს ასახავს, რომლის უფლებებიც Netflix-მა ჯერ კიდევ 2018 წელს შეიძინა. თრეილერში Led Zeppelin-ის ცნობილი სიმღერა „Stairway to Heaven“ ჟღერს, ხოლო ორიგინალური მუსიკა მარკ რონსონმა და ენდრიუ უაიატმა შექმნეს. როგორც Deadline-ი იტყობინება, პროექტში დიგორი კერკის როლს დეივიდ მაკკენა ასრულებს, პოლი პლამერს კი ბიატრის კემპბელი განასახიერებს.
მსახიობთა გუნდში ასევე არიან დენიელ კრეიგი (ენდრიუ კეტერლი), ემა მაკი (ჯადისი), კერი მალიგანი, კიარან ჰაინდსი, კობნა ჰოლდბრუკ-სმითი, დენის გოფი და სუზან უოკომა, ხოლო ასლანს მერილ სტრიპი ახმოვანებს. რეჟისორმა გრეტა გერვიგმა აღნიშნა:
არ მახსოვს დრო, როცა ამ წიგნებს არ ვიცნობდი. მათ გარეშე ისეთი არ ვიქნებოდი, როგორიც ვარ.
