იოანა კარისტიანის ჯილდოს მფლობელი რომანის „Swell“-ის ეკრანიზაცია თესალონიკის კინოფესტივალის პროგრამაში Agora Works in Progress შეარჩიეს. როგორც გამოცემა Deadline-ი წერს, ფილმის რეჟისორი ალექსანდროს ვულგარისია, რომელიც The Boy-ის ფსევდონიმითაც არის ცნობილი. ნამუშევარი ინდუსტრიული პრეზენტაციების მსვლელობისას წინასწარი ჩვენებით წარდგება.
Agora Works in Progress 8–12 ნოემბერს გაიმართება და სამხრეთ-აღმოსავლეთ ევროპისა და ხმელთაშუაზღვისპირეთის ქვეყნებიდან შერჩეულ 11 პროექტს გააერთიანებს. პროგრამის მთავარი მიზანია პოსტპროდაქშენის ეტაპზე მყოფი ფილმების დაკავშირება ინდუსტრიის წამყვან წარმომადგენლებთან, რათა ავტორებმა დასკვნითი სამუშაოების დასაფინანსებლად საჭირო რესურსები მოიპოვონ და სადისტრიბუციო შეთანხმებები გააფორმონ.
„Swell“-ის პროდიუსერები არიან დიონისის სამიოტისი (Tanweer Productions) და იანის იაკოვიდისი. ფილმის თანაპროდიუსერები არიან საბერძნეთის კინოსა და აუდიოვიზუალური ცენტრი, ERT და Onassis Culture. წლევანდელი სექციის ჟიურის შემადგენლობაში არიან მარია დრანდაკი, ვაუტერ იანსენი და გაბრიელა ტრუხილიო.
ქართული პროექტი და თესალონიკის კინოფესტივალი
პროგრამის რჩეულ პროექტებს შორის ქართული ფილმიც მოხვდა, რომლის რეჟისორი მარი გულბიანია, ხოლო პროდიუსერი – ქეთი კალანდარიშვილი კომპანია MIDIFILM-იდან.
სხვადასხვა წელს Agora Works in Progress-ის მონაწილეები იყვნენ ტონია მიშიალი ფილმით „The Lion At My Back“ და ივან მარკოვიჩი ნამუშევრით „Promised Spaces“. ამასთან, პროგრამის კიდევ ერთი ყოფილი მონაწილის, თანასის ნეოფოტისტოსის ფილმი „The Boy With The Light-Blue Eyes“ წელს SXSW-ზე ლონდონში აჩვენეს.
