პოპკულტურის ფესტივალ ლუკას Comics & Games-ზე საუკეთესო თარგმანის ჯილდო Gran Guinigi Pro-ს (Gran Guinigi Pro Award for the Best Translation) ჟიურის მუშაობას ევროპის ლიტერატურულ მთარგმნელთა ასოციაციების საბჭომ (CEATL) და იტალიურმა პროფესიულმა გაერთიანებებმა უხელმძღვანელეს. ამის შესახებ ინფორმაციას CEATL-ი ავრცელებს. მთარგმნელობით ინიციატივას საბჭოსთან ერთად მისი იტალიური წევრი ასოციაციები – AITI და STRADE უძღვებოდნენ.
Gran Guinigi Pro-ს ჯილდო იტალიურ ენაზე შესრულებულ საუკეთესო თარგმანებს ავლენს სამი ძირითადი ენიდან: ფრანგულიდან, ინგლისურიდან და იაპონურიდან. გამარჯვებულთა დაჯილდოების საზეიმო ცერემონია 29 ოქტომბერს ჯილიოს თეატრში გაიმართა.
თარგმანის ჯილდო და საიუბილეო ფესტივალი
პოპკულტურის მასშტაბურმა ფესტივალმა ლუკას Comics & Games-მა წელს 60 წლის იუბილე აღნიშნა. საიუბილეო ფესტივალის ოფიციალური პოსტერი ილუსტრატორმა კლაუდიო კასტელინიმ შექმნა; ნამუშევარზე გამოსახულია ლუიზ სტეფანის შექმნილი პერსონაჟი – ახალგაზრდა გოგონა ფანქრით ხელში.
ჯილდოს ჟიურის შემადგენლობაში რვა სპეციალისტი შედიოდა: მაურიციო ბარტოჩი, სტეფანო ანდრეა კრესტი, ვინჩენცო ფილოზა, ანდრეა მანისკალკო, ფრანჩესკა ნოვაირა, ჯოვანა სკოკერა, ვალენტინა ვინიოლა და ჯოვანი ცუკა.
ფესტივალზე, 31 ოქტომბერს, სამი ჟიურის მუშაობის შედეგების განსახილველად სპეციალური მრგვალი მაგიდა გაიმართა. დისკუსიაში ჟიურის წევრებთან, სტეფანო ანდრეა კრესტისა და ვინჩენცო ფილოზასთან ერთად, მოკლე სიაში მოხვედრილი ნომინანტებიც მონაწილეობდნენ.
